Plantun de Prouvènço

Pèr coumpara dos planto d'encò nostre

Pilosella lactucella & Zygodon rupestris

Pilosella lactucella

Asteraceae Compositae

Nom en français : Piloselle auricule.

Descripcioun :
La peludello-di-fueio-de-lachugo trachis dins li pelouso e li prado pulèu umido. Rebalo au sòu emé d'estouloun i pichòuni fueio un pau luechenco e de mai en mai grando vers lou bout. Se recounèis subretout qu'a de fueio verdalo sènso péu aleva sus li bord. La planto èi proutejido sus listo roujo, categourìo LC, es à dire soucit minour. La subsp. que trachis au nostre ié dison lactucella.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 30 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Pilosella
Famiho : Asteraceae
Famiho classico : Compositae
Tribu : Cichorieae
Ordre : Asterales

Coulour de la flour : Jauno
Petalo : >6
Ø (o loungour) flour : 6 à 8 mm
Flourido : Printèms - Estiéu

Sòu : Si
Autour basso e auto : 0 à 2300 m
Aparado : Noun
Mai à avoust

Liò : Pelouso - Prado - Ribo
Estànci : Subremediterran à Aupen
Couroulougi : Éurasiatico
Ref. sc. : Pilosella lactucella (Wallr.) P.D.Sell & C.West, 1967 (= Hieracium lactucella Wallr. )

Flouquet-dis-aubre

Zygodon rupestris

Orthotrichaceae

Nom en français : Houppe des rochers.

Descripcioun :
Aquelo mousso coumuno acroucarpo d'aperaqui 1 cm d'aut, se vèi bèn sus li pège d'aubre (pin, éuse, roure...). Li tijo soun dreissado en "C" e s'envertouion un cop seco. I'a un mouloun de rizouïde brun e papilous à la baso. Li fueio de 1,5 mm de long soun en formo de lanço emé uno costo que s'acabo en pouncho. Fai raramen d'espouroufite, pamens i'a proun de proupagulo (fotò) sus li bord di fueio.

Usanço :
Lou flouquet-dis-aubre èi lou mai coumun di Zygodon au nostre. Zygodon viridissimus s'atrovo dins li fourèst mai fredo dóu Neckeretea complanatae ; si fueio soun mai torso e si proupagulo diferènto.